| PASTORAAL |
 |
| |
 |
| Dit is vir ons as gemeente 'n prioriteitsaak om ons lidmate pastoraal te versorg. Ons wil graag daar wees om mense te help, daar waar hulle nood en swaarkry is. Ons glo dat ons as mede-gelowiges instrumente is waardeur die Here werk om genesing, vertroosting en wysheid te gee. Pastorale versorging vind daar plaas waar mede-gelowiges vir mekaar omgee en vir mekaar bid. Ons moedig dus lidmate aan om by mekaar betrokke te raak as vriende, lede van 'n kleingroep of as voorbidders. Ons leraars is ook 24 uur per dag beskikbaar. Neem dus gerus die vrymoedigheid om enige van ons leraars te kontak indien u self of iemand wat u ken 'n behoefte het aan pastorale versorging. Dit maak nie saak waaroor die nood gaan nie, of dit dood, siekte, geestelike probleme, verhoudingsprobleme, materiële nood of enige ander probleem is, ons help graag waar ons kan! |
| PASTORALE SPREEKKAMER 'n Leraar is weeksdae by die Leraarskantoor beskikbaar as ook by hulle huise. Afsprake kan gemaak word by die Kerkkantoor (548-1245) of by hulle persoonlik. ROOSTER EN FOKUS Maandae Ds. Louis Lemmer, Huweliks- en gesinspastoraat, 5675580 Dinsdae Ds. Thomas Verbeek Senior jeug, 5672230 Woensdae Ds. Bertus Janse van Rensburg Senior lidmate, 5481243 Donderdae Ds. Johan Olivier Trauma en siekte, 5481300 Vrydae Ds. Alkmaar Swart, 5481565 Al die leraars is steeds op ander tye beskikbaar vir afsprake. U kan steeds die leraar van u keuse kontak rondom enige saak. |